MIZAPICON vawi 2-na Aizawl-ah neih a ni

Zonuna Kawlni (LENKAWL) • July 13, 2026 • Comments • Mizoram

Rampum huap Medical thiamna sang zawk leh mithiamte inrawnkhawmna hun MIZAPICON-2026 chu Zirtawpni leh Inrinni khan Aijal Club-ah neih a ni a, thupui atan 'From Hills to Hope-Transforming Healthcare Together' tih thlan a ni.

Association of Physicians of India (API)-Mizoram Chapter buatsaih MIZAPICON vawi 2-na ah hian damdawi thiamna inhlanchhawnna, zirchianna thar phochhuah leh damlo enkawlna kawnga hma-sawnnate sawiho a nih bakah Mizoram-in Medicine Specialist kan neih hmasa ber boralta, Dr. R. Lalzauva hriatreng nan Oration on 'Hypertension Guidelines' chungchang sawiho a ni a. State pawn atangin Medical lam a thiamna bik nei API Member 24 an tel bakah Mizoram atangin Speaker 6 an in ruat bakah Medical Officer leh Specialist hrang hrang mi 100 chuang an tel a ni.

MIZAPICON 2026-ah hian kan Health Care System thuamthat dan tur, a bik takin Mizoram leh Hmarchhak lam te thlurbing a ni a. API hi December ni 23, 1944 khan Medicine Specialist ten Chennai-ah dinin tun thlengin, ram tan tangkai takin an thawk mek a ni.