Mipuiin Draft Electoral Roll ngaihven a ngaih thu sawi
Mizoram puma Special Intensive Revision (SIR) 2026 kal mekah Draft Electoral Roll tarchhuah a nih hnuah Inrinni khan Aizawl-a I&PR Conference Hall-ah CEO Garima Gupta-i chuan Political Party aiawhte kawmin Political party te, Official te, Ground Level-a thawktu BLO leh BLA te thahnemngaihna leh thawhrimna avangin Mizoram-ah SIR 2026, Enumeration Phase hlawhtling taka kalpui a nih thu leh SIR thawh thumna kalpui mektu State 16 leh UT 2 te zingah Mizoram chu Digitisation za-ah za (100%) zo thei hmasa ber a ni tih a sawi a. Draft Electoral Roll tarchhuah chu mipuiin an ngaihven a ngai hle tih sawiin, Political party tin te tanpui turin a sawm a. “Vote nei thei zawng zawngin vote an neih ngei na tur leh vote nei thei lo te hming paih a nih theih nan inthunthar, paih leh siamthat (Claims & Objections) hun hi Vawiin July ni 4 atanga intanin August ni 4 thleng neih tur a ni,” tiin he hunah hian mi tinte uluk taka Draft Electoral Roll lo endik turin a chah a. Hmaih palh emaw, kum tling thar inthunthar duh emaw, tih dik loh awm palhte siamthat hun lai a nih avangin ngai pawimawh turin a ngen a ni.
He hunah hian Political party te pawhin SIR 2026 kalpui mek chungchanga an hmuh dan leh ngaih dan te, tha taka kalpui a nih avanga lawmawm an tih thu te an sawi a. BLO leh BLO te thawhrimzia an hmuh thu sawiin, lawmthu an sawi a. Rawtna hrang hrang an neih te an thlen nghal bawk a ni.