Central Jail atanga tlanchhuak zawng mek

Zonuna Kawlni (LENKAWL) • July 6, 2026 • Comments • Mizoram

Central Jail-a tang leh damchhung tang tura a chungthu rel tawh Zothanpuia chu Inrinni khan Central Jail atangin a tlanchhuak a, zawn mek a ni. Thudawn danin Zothanpuia hi Zohmun (Manipur)-a mi niin a thubuai ah damchhung tang tura a chungthu rel a ni a. Inrinni (July 4, 2026) chawhma dar 10:30 leh dar 11:30 am inkar bawr vel khan a hnathawhna hmun atangin a tlanchhuak a, tunah hian zawn mek a ni. Zothanpuia hi kumin chhunga Jail atanga tlanchhuak hmasa ber nia thudawn a ni a, tun dinhmunah Central Jail-ah hian tang mi 879 an awm mek a ni.