Minister pathum ten tlawh

Aizawl Chite Veng-a Horticulture Centre chu Inrinni zing khan Horticulture Minister C. Lal-sawivunga, Revenue Minister B. Lalchhanzova leh Tourism Minister Lalnghinglova Hmar te chuan an tlawh a. Mizoram Sawrkar chuan kum 2023 atang khan Chite Veng-a Horticulture Centre-ah hian Project pahnih, ‘Development of Pilgrimage & Heritage Tourism Facilitation and Congregation Centre’ leh ‘Aizawl Convention Centre’ te chu bul an lo tan tawh a. Heng Project te avang hian Horticulture Department hmalakna hrang hrang Scion bank (M. Orange), Anthurium Garden, Dragon Fruit Nursery, Rose Garden, Godown cum Cold Room, Vermicompost Unit, Water Tank leh Water Pump House chu tihchhiat a lo ngai ta a. Tun dinhmunah heng hmalakna hnuaia Building te hi hman theih tura sak zawh tep ni tawhin inkalpawhna kawng tur a awm loh avangin Inrinni zing khan heng Minister pathum te hian a hmunah tlawhin, a kalkawng siam dan tur an en a. Heng building te hi mipuiten tangkai taka an hman thuai theih nan hmalak dan tur leh kawng sial dan tur te an en ho a ni.