Minister hovin thukhawm

Mizoram State Cooperative Development Council chu nimin khan Cooperation Minister PC. Vanlalruata hovin a Pisa-ah an thukhawm a, he hunah hian Mizoram Cooperative Sector-in hma a sawn theihna tur hrang hrang sawiho niin District thar pathum - Saitual, Khawzawl leh Hnahthial-ah te District Cooperative Office hawn a nih theih dan tur leh Mizoram-a Institute of Cooperative Management din a nih theihna tura chak zawka hmalak dan turte sawiho a ni bawk a. MULCO tihchangtlunna tura Bawng 100 lalut tura hmalakna kal mek thlir niin, M-PACS te hmasawnna tura fertilizer license tam zawk neihna tura hmalak zel dan tur sawiho a ni bawk. Heng bakah hian PMBJAK (Pradhan Mantri Bhartiya Jan Aushadhi Kendra) initiative hnuaiah damdawi man tlawm zawka zawrhna pakhat awm chu Cooperative Society kaltlanga hawn belh a nih theihna tura hmalak dan tur ngaihtuah a ni a. State Level Cooperative Federation hrang hrang tihchangtlun dan tur leh Cooperative Development Council Office neih theihna tura tul angte ngaihtuah a ni bawk.