Khet Bachao Abhiyan khar

Leitha hman thiam chungchang inzirtirna tura sawrkar laipui ruahman, ‘Khet Bachao Abhiyan’ Campaign kharna chu nimin khan Kolasib-a ICAR RC for NEH Region, Mizoram Centre chuan an Office Conference Hall-ah an buatsaih a, he hun hi Kolasib Bawrhsap H. Dolianbuaia chuan a hmanpui a ni. ‘Khet Bachao Abhiyan’ Campaign hi June ni 1 atanga ni 30, 2026 chhung khan neih niin Campaign neih chhung hian Kolasib District chhunga khua leh Veng hrang hrangah leitha hman thiam chungchang inzirtirna ngawrh taka kalpui a ni a. He Campaign hian kuthna-thawktute tan hamthatna nasa tak a thlen beisei a nih thu tarlan niin nimin-a he hun hman ah hian loneitute hnenah Soil Health Card leh Chemkawi semin Field Day buatsaih nghal a ni bawk.