Kawngpui dinhmun enfiah
Serchhip District Bawrhsap leh NH-54 Upgradation Project-a CALA ni bawk Paul L. Khuma’n a ruahman angin kar kalta ah khan Serchhip District paltlangtu National Highway-02 enfiah hian fehchhuah tum hnih neih a ni a, a hmasa zawkah Serchhip atanga Chhim lam, Bungtlang thlengin NH-02 dinhmun hi enfiah niin Zirtawpni khan a hnuhnung zawk atan Ser-chhip atanga Hmar lam, Khumtung thlengin he kawngpui dinhmun hi enfiah a ni a, kawngpui enfiahna a kal te hi Addl. DC Dorothy Muansangi chuan hovin kawngpui enkawltu NHIDCL leh an hnuaia Contractor te bakah DC Office-a he kawngpui enkawltu an tel a, NGO atangin Sub-Hqrs. YMA aiawh an tel bawk a ni.
Hetihlai hian kumin |hal lai, February thla vela siamthat, NH-02 Serchhip by-pass Road chu Zirtawpni khan Serchhip-a thuthar theh-darhtu thenkhat te chuan tlawhin tun dinhmunah kawng an siamthat zingah chhe leh a tam tawh hle tih an sawi a. Kumin February thla khan MJA (SD) chuan Serchhip by-pass Road hi tlawhin he kawngpui enkawltu ten kawngpui an siam dan te an thlirpui a, kumin |hal chhung hian kawng hi siamthat ni mah se Fur ruahtui a tlak hnuah kawng hi a chhe leh tawh hle a, a tlangpuiin |hal laia kawngpui chhia siamthat ngai lai te chu a chhe leh tlangpui nia a lan thu sawiin, nikum lama leimin nasa tak awmna hmun te erawh kawng chhia zingah hian a tel lutuk lo niin a lang.