Mimal chawimawina-ah Spain langsar
Nizan hmasa a khelh zawh tak FIFA World Cup 2026-ah hian mimal chawimawina hrang hrang dawng tur puangin chawimawina sem nghal a ni a, Spain tana tun tum World Cup khel tha tak leh an Champion nana thawh hlawk tak Rodri chu Tournament chhunga player khel tha ber, ‘Best Player’ atan thlan niin Golden Ball a dawng a, Argentina Captain Lionel Messi chuan Silver Ball a dawn bakah France Captain Kylian Mbappé chuan Bronze Ball a dawng bawk a ni.
.jfif)
Tun tum World Cup-a match 8 khelh ah goal khat chiah chhuahtu Spain Goalkeeper Unai Simón chu Goalkeeper tha ber atana thlan niin ‘Golden Glove’ a dawng a, kum 21 hnuailam zinga Player tha ber chawimawina ‘FIFA Young Player Award’ chu Spain tana khel tha tak Pau Cubarsí chuan a dawng bawk a. Hetihlai hian Netherlands chuan ‘FIFA Fair Play Trophy’ an dawng thung a ni.
.jfif)
Tun tum FIFA World Cup-ah hian France tana goal 10 khungtu Kylian Mbappé chu mimal-a goal khung tam ber niin Golden Boot a dawng a, Mbappe hian minute 769 khelin goal 10 a khung bakah assists tum 4 a nei a, amah hnaih bertu Lionel Messi chuan Argentina tan goal 8 khungin Silver Boot a dawng a, match 853 khelin assist tum 4 a nei bawk a. England tana minute 698 khel-a goal 7 khungtu leh assist tum khat neitu Jude Bellingham chuan Bronze Boot a dawng bawk a ni.
.jfif)
Tun tum World Cup-a Top Scorer ni ta Kylian Mbappe chuan FIFA World Cup-ah goal 22 khung tawhin mimal-a World Cup-a goal khung tam ber record a siam thar ta bawk a, tun tum World Cup khelh hma khan Germany tana goal 16 khungtu Miroslav Klose chu goal khung tam ber ni mah se tun tum World Cup-ah hian Lionel Messi chuan a rawn khum a, hei hi Mbappé hian tun tum World Cup-ah bawk a rawn khum leh nghal a, Mbappe hi kum 2022 World Cup-ah khan Top Scorer ni tawh bawkin World Cup tum hnih-a Top Scorer ni thei hmasa ber a ni bawk a, World Cup tum khat-a goal khung tam ber Just Fontaine (goal 13) erawh a phak lo thung a ni.