Govt. Aizawl West College Freshers' Social hmanpui

Govt. Aizawl West College chuan nimin khan Aizawl Vanapa Hall-ah ‘Freshers' Social 2026’ buatsaihin Adviser to Chief Minister, TBC. Lal-venchhunga chuan khuallian niin a hmanpui a, zirna tha chu ‘All-round development’ a nih thu sawiin, thangtharte chu kawng tinrenga hmasawn ngai tak dinhmunah an din tawh thu a sawi a. “Sawrkar hna hian min daih seng lova, entrepreneurship lama kan kal nasat a tul a, inelna a sang tawh em em a. Sumdawnna emaw, thilsiamna emaw din thei, mahni ke-a ding thei ni tura kan inbuatsaih uar zel a ngai,” a ti a ni. He hunah hian Khuallian hian ‘H. Vanlalkeuva Award’ leh ‘Best Library User Award 2025-26’ chu a dawngtute hnenah a hlan a, College Annual Magazine 33-na pawh a tlangzarh nghal bawk a ni.