Forest dan leh hrai te inhriattirna buatsaih

Kawrthah Forest Division chuan nimin khan Zawlpui khuaah ‘Kan ramngaw kan nunna’ tih leh ‘Kan ramngaw hi kan nunkhawchhuahna a ni’ tih thupui-a hmangin Forest Dan leh hrai te inhriattirna hun an buatsaih a, he hun hi Kawrthah DFO Karthikeyan V chuan hmanpuiin Tut-Langkaih Protected Council Reserve Forest, Riverine Reserve Forest leh Mizoram Forest Act chungchang te sawiin, Zawlpui khua chu Langkaih kama awm an nih avangin Minor Forest Produce hrang hrang mau, balu leh anchiri te ti chereu lo tur leh a hman leh lakdan chungchangte a hrilhfiah a. Reserve Forest chhunga balu leh minor forest produce hrang hrangte chu mipuite'n an mamawhnaa an hman theih thu leh sumdawn nana hman phal anih loh thu te a sawi a. Reserve Forest chhunga khaw awm te'n an khaw ramchhung chu khawdang mi hnena hralh phal anih loh thu te a hrilhfiah a. Mipui lam hian Langkaih balu pump avanga a phurtu lirthei ten kawng an rahchhiat thu leh harsatna an tawh te an sawi bawk a ni.