FCRA Amendment Bill, 2026-a hma la turin phut

Mizoram Pradesh Congress Committee (MPCC) chuan FCRA Amendment Bill, 2026 chu pass a nih loh nana hma la ngei turin Mizoram sawrkar leh Chief Minister Lalduhoma an ngen nawn leh tih sawiin, Kohhran hruaitute hmatheha hmang mai lo turin an chah bawk.

    MPCC thupuangtu Lalbiakzama chuan nimin khan Aizawl Press Club-ah thuthar lakhawmtute kawmin, tunhnaia FCRA Amendment Bill duhloh lantir nana Black Day an buatsaiha an thilphutte ala ngai reng tih sawiin, Chief Minister Lalduhoma'n Kohhran hruaitute pawh a kawm nia an hriat thu sawiin, Kohhran hruaitute mai nilo, Political Party leh NGO hruaitute nen a ram pum anga tanghoa hmalak a ngai tih a sawi a; Kohhran hruaitute hmatheha hmang mai lova hmahruai turin Mizoram sawrkar leh Chief Minister an ngen thu a sawi a. Mizoram mipuite harh chhuaka BJP leh RSS ten Mizoram, hnam leh sakhua chimpil an tum mekna chu Dan tlawhchhana beihlet theih a la nih lai hian auchhuahpuia thawhpui turin MPCC thupuangtu chuan a sawm nghal bawk.