Employees’ State Insurance (ESI) Act chungchang inzirtirna leh a thlawna inentirna buatsaih a ni

Employees’ State Insurance (ESI) Act chu Mizoram-a kalpui a nih hnuah nimin khan Champhai-ah hemi chungchang inhrilhhriatna leh a thlawna inentirna buatsaih a ni.

Sawrkar laipui Ministry of Labour Employment hnuaia Employees’ State Insurance Corporation (ESIC)-in New Champhai-a Dispensary cum Branch Office (DCBO)-a Awareness cum Free Health Check-up Camp an buatsaih hi Aide-de-Camp cum Liaison Officer, David Lalfakzuala chuan kaihruaiin Employees’ State Insurance Corporation (ESIC) Act in a thiltum tlangpui leh hemi hnuaia hamthatna awm thei hrang hrangte a lem nen entirin a sawifiah a, he Scheme hnuaia inziahluh theih dan te tarlang bawkin mipui kalkhawmte atanga zawhna awmte a chhang nghal a ni.

He huna tarlan a nih danin Sawrkar laipui-in Notification a chhuah hmangin Employees’ State Insurance (ESI) Act hi Mizoram District zawng zawngah kalpui a ni a, Champhai District huamchhungah pawh April ni 1, 2026 atang khan kalpui niin ESIC, hnathawktute ESI Act 1948 ah hian damlohna/bawrhsawmna (Sickness) lakah te, nau neih (Maternity) avangin emaw, hliam avanga hnathawk theilo (Disablement) leh a hna thawhna avanga nunna chan a nih chuan amah rinchhana khawsa (Dependents) ten a in zata in sem turin monthly pension an hmu ang.

Hei bakah hian hnathawktute leh a chhungte chu Medical Treatment a thlawna pek vek an ni dawn bawk a, ESI Scheme chuan sumdawnna hrang hrang - Road Transport, Hotels & Restaurants, Cinemas, Newspaper, Shop, Educational/Medical Institution etc. leh hnathawktu 10 (sawm) emaw a aia tam chhawr reng rengte chu a huam vek a, hnathawktu thla khata Rs.21,000/- leh a aia tlem hlawhte tan he hamthatna hi neih theih a ni.

ESI Act hnuaia in register hnu hian 0.75% Employees share (hnathawktute hlawh atangin) leh 3.25% Employer share (Chhawrtute lam atangin), a vaiin 4% thlatin chhun tur a ni a, ESI Act hnuaia inziahluh hi mimal emaw, sumdawngtute emaw duhthlanna (Optional) ni lovin, Sawrkar laipuiin tih ngei tura dan a zam hnan tawh (statutory Obligation) anih avang leh hamthatna dawn tur tam tak a awm avangin sumdawngte leh an mi chhawrten ngai pawimawh a, inziahluh ngei tur a ni.

ESI Scheme hnuaia hamthatna leh hlawkna awmte chu Sicknes Benefit, Extended Sickness Benefit, Enhance Sickness Benefit, Medical Benefit, Disablement Benefit, Temporary Disablement Benefit, Permanent Disablement Benefit, Dependents' Benefit, Maternity Benefit, Confinement Expenses, Funeral Expenses, Rajiv Gandhi Slaramik KalyanaYojana (RGSKY),Unemployment Allowance, Covid Relief Scheme(CRS), Ata1Beemit Vyakti KalyanYojna (ABVKY), MBBS Quota for ward of IP leh Medical Benefit for Superannuated IPs (Rule60/61) te an ni.