Electoral Roll Observer in Kolasib District a tlawh

Special Intensive Revision (SIR), 2026 kalpui mek-a Kolasib District tana Observer tura ruat Higher & Technical Education Department-a Commissioner & Secretary, Dr. Lalrozama IAS chuan nimin khan Kolasib tlawhin Electoral Roll buaipuitute nen an hmalakna te an thlirho a. He huna tarlan a nih danin Kolasib District chhungah hian Assembly Constituency pathum awmin Booth Level Officer (BLO) 94 an awm mek a. Draft Roll tlangzarh takah khan Electors zawng zawng 61,340 an ni a, chhan hrang hrang avanga Enumeration Form lakkhawm theih loh (uncollectables) 3,860 a awm bawk. Hming inang leh chhan dang vanga felhlel (mapping issues) mi 12,223 te chu enfiahna (hearing) neihpui tan mek an ni a. Gender ratio-ah mipa voter 1000 zelah hmeichhia 1091 an awm bawk a ni.