Dik taka leitha hman a nih theihna tura hmalakna sawiho
Serchhip DC Meeting Hall-a thutkhawm ah hian Bawrhsap Paul L. Khuma chuan he hmalakna hnuaiah hian Agriculture Secretariat lamin an ngaih pawimawh ber (focal point) chu hmalak tawhnate enzuina (monitoring) a nih thu a sawi a. District Level, Sub-Divisional Level leh Village Level Nigrani Samiti ten Fertilizer hman dan dik te, lei leh hralh dan te leh dan lova fertilizer tihralna tur ven dan kawnga an mawhphurhna theuhte sawiho a ni bawk.
Sawrkar laipui in kumin June thlaa Dharti Mata Bachao Abhiyan (Save the Mother Earth Campaign) a ruahman behchhana he thutkhawm neih ah hian Serchhip District Agriculture Officer (DAO) Lalrinzuala chuan MPACS kaltlanga District Level-a loneitute hnena leitha (fertilizer) pek a nih dan sawifiahin, hmachhawp hrang hrang an neih te a sawizau nghal bawk a ni.
He thutkhawm a tel te hian Area Wise-a fertilizer hman dan zirchian a, Land Holding Base Fertilizer pek thin relin, Fertilizer Retailer ten Fertlizer hralh dan record chu MPACS-ah an thehlut thin anga, Dan lo anga leitha hmang leh tawlh ruk (smuggling) te do nan DFO leh Police te'n an Check Gate neihah theuh ngawrh lehzualin hma an la dawn bawk a ni. Hei bakah hian Leitha hman chungchanga loneitute tih tur leh tih loh turte chu hriattirna chhuah a nih bakah, MPACs ten Leaflet angin anmahni dawrtute an lo pe thin dawn bawk a ni.
Serchhip Bawrhsap Paul L. Khuma chuan Scientific zawka leitha enkawl a nih theih nan Soil Testing te hi ngawrh leh zuala kalpui nise tiin he hunah hian rawtna a siam bakah a hmang tangkai ber District ni turin he huna tel Department hrang hrang aiawh kalkhawmte chu a fuih bawk. He hunah hian sawrkar Department hrang hrang aiawhte pawh an tel bawk a ni.