DC-in 'District Plan and Project Monitoring System' pholang

Serchhip District-in Project a kalpui, 'District Plan and Project Monitoring System' chu Shillong-a 'National Conference on NextGen Administrative and e-Governance Reforms’ neih ah Serchhip Bawrhsap, Paul L. Khuma chuan a lem nena entirin a phochhuak.
Department of Administrative Reforms and Public Grievances buatsaih 'National Conference on NextGen Administrative and e-Governance Reforms' hi tun thla ni 13 leh 14 khan Shillong-a State Convention Center-ah neih niin National Level-a sawrkar inrelbawlna tha 'Good Governance Initiative' hrang hrangte pholan a ni a. Department of Administrative Reforms and Public Grievances (DARPG) hnuaia State Collaborative Initiative kaltlanga Project buatsaih 'District Plan and Project Monitoring System' chu phochhuah tura thlan niin heta tang hian Serchhip District Deputy Commissioner Office in a kalpui hi phochhuah a ni a. District Bawrhsap Paul L. Khuma chuan a lem nen entirin a sawifiah a. He System kaltlang hian District chhunga sawrkar hmalakna tinrengte enzui leh vil (monitor) theih a ni dawn a, System hi Computer bakah mobile phone hmang pawha luh zung zung theiha duan a ni bawk.

Serchhip DC Office in Project a kalpui, District Plan & Project Monitoring System hi kumin June 9 khan Chief Minister Lalduhoma chuan a lo tlangzarh tawh a, he System hi State Collaboration Initiatives hnuaia DARPC funded project a ni a. He System atang hian sawrkar Department hrang hrang hnathawh leh hmalakna te chu vil theih a ni dawn a ni.