Darlak khua ah Oil Palm chin inzirtirna neih a ni

Mamit District-a Darlak khuaah niminpiah khan ‘Oil Palm Mega Plantation Drive-2026’ neih niin Mamit Bawrhsap Suvigya S. Chaudhary IAS chuan khuallian niin a hmanpui a, Oil Palm chingtute chu tan la sauh sauh tura chahin, Oil Palm tiak phun turte a vailiam nghal bawk a ni. Mamit District-ah hian Oil Palm chingtu mi 717 awm mekin mi 240 vel chuan a rah an hralh tawh a, Oil Palm rah hi thla tin vawi 2/3 an lo thin a, ni 15 chhungin Farmer Bank Account-ah an hralhna man hi a lut thin a ni. Mamit District-ah hian Ramtinchawma chuan Oil Palm tharchhuak tam berin kum khatah cheng nuai 70 vel a la lut tawh a, Godrej Company chuan Mizoram chhunga Oil Palm rah lei nan cheng nuai 600 atanga 700 vel a seng thin a ni.