Chhiatna thleng awm tan

Mizoram-ah Fur tuahtui tla avangin hmun hrang hrangah tuilian leh leimin avanga harsatna thleng hriat tur a awm chho mek a, Tlabung leh Tippereghat khuaa chhungkaw 69 chu Khaw-thlangtuipui lian avangin hmun him lamah thiarchhuah an ni tawh a, Lawngtlai District-a Bualte khaw dai-a leimin avangin khualzin engemaw zat tangkhang tawhin hmun tam takah leimin avanga kawng tlang lo leh tuilian avanga harsatna thleng a awm tawh bawk a ni.

Disaster Management and Rehabilitation Minister Prof. Lalnilawma chuan nimin khan Ngaizel Petrol Pump bula leiminna hmu tlawhin leimin avanga buaina tawk an awm chu pawi a tih thu a sawi a. Report dawn danin, nizan hmasa thleng khan khawcheng avanga chiatna thleng hi Zoram hmun hrang hrang, hmun 29 velah a awm thu a sawi a. Sawrkar chu chhiatrupna thleng avanga harsatna hrang hrang awm thei te sukiang turin a inpeih reng thu sawiin, mipuite chu chi ai lo tur leh fimkhur turin a chah a. District tinah chhiatrupna thleng thei lakah inven dan leh hmalak dan tur ngaihtuah mek zel a nih thu pawh a sawi bawk a ni.