Special Intensive Revision (SIR) of Electoral Rolls 2026 kalpui mekah Serchhip District chhunga Booth Level Officer (BLO) leh Additional Booth Level Officer (ABLO) te tan Draft Electoral Roll tarchhuah hnua hmalak zui zel dan tur thil pawimawh chi hrang hrangte inzirtirna - Post Draft Activities Training chu ni hnih (2) chhung neih a nih hnuah nimin khan zawhfel a ni ta a, he Training hi niminpiah khan Serchhip DC Meeting Hall-ah tan niin 26-Serchhip (ST) AC hnuaia BLO leh ABLO te tan he hun hi buatsaih a ni a, Training hi Serchhip Election Officer Lalchhanhimi hova neih niin Assistant Electoral Registration Officer & Master Trainer Vanthangpuia'n a telpui bawk a ni.
July ni 4, 2026-a Draft Electoral Roll tarchhuah takah hming chuang lo te hming thun belh emaw, paih ngai paih emaw, siam that duh emaw neite tan August ni 4, 2026 thleng hun hawn a ni a, hemi chhunga form chi hrang hrangte buaipuia hmalak zui zel dan tur te leh BLO App hman dante bakah thil pawimawh chi hrang hrangte he hunah hian zirho niin nimin khan 27-Tuikum (ST) AC leh 28-Hrangturzo (ST) AC-a BLO leh ABLO te tan Training hi neih leh a ni.
