‘Background and Status of Mizo Language’ peihfel tawh

Mizo Languange Development Board (MLDB) hnuaia Eight Schedule Study Group buatsaih ‘Background and Status of Mizo Language’ lehkhabu chu sawrkar laipui-ah thawn theih turin peihfel a ni tawh tih MLDB Secretary Lalsangpuia chuan a sawi a. MLDB a din tirh atangin India Danpui huangah Mizo tawng dahluh chu an thil tum a nih thu sawiin, hemi atana din Study Group chuan chak taka hma an lak thu a sawi a. Mizo tawng tobul, Mizo tawng dinhmun leh Mizo tawng hman dan leh zir dan hrang hrangte ziahna lehkhabu, Background and Status of Mizo Language chu sawrkar laipui-ah thawn theih tura peihfel a nih tawh thu a sawi a ni.