ASF vanga Vawk thi pung zel

Zonuna Kawlni (LENKAWL) • July 4, 2026 • Comments • Serchhip

Serchhip District-ah nimin khan African Swine Fever (ASF) vanga Vawk thi 19 chhinchhiah belh leh niin kumin chhungin Serchhip District-a ASF vanga Vawk thi 1065 lai a awm ta a, nimin lamah hri leng darh zel tur venna atana Vawk suat erawh a awm belh lo a ni.
Heti hian kumin chhungin Serchhip District-a Veng leh khua 18 ah ASF avanga Vawk thi leh suat chhinchhiah ni tawhin nimin thleng khan ASF hi chhungkaw 405 tan an tuar tawh a, Vawk thi 1065 awm tawhin Vawk 827 suat a ni tawh bawk a ni.

Nimin-a Serchhip District-a ASF vanga Vawk thi chhinchhiah te hi Chhingchhip khua ah 17 leh Chhiahtlang-ah 2 te a ni a, Chhingchhip khua ah kumin hian ASF vanga Vawk thi 164 zet awmin Vawk thi tamna ber khua a ni.