Aizawl-a Power supply tihchangtlun dan tur sawiho

Power & Electricity Minister F. Rodingliana hova P&E Department hotute thukhawm chuan Aizawl khawpui chhung Power Supply tihchangtlun dan tur an ngaihtuahin Inrinni-a Shutdown lak thin chu tih tlem an rel.

P&E Minister Pisa-a thutkhawmah hian Aizawl khawpui chhunga Power Supply tichangtlung tura hmalak dan tur te, Power khaihlak awm thin chhan leh siam that dan turte sawiin, chhan hrang hrang avanga Inrinni a shutdown lak thin chu tihtawp dan tur an ngaihtuah a ni. He thutkawm ah hian Aizawl khawpui chu 33kV Ring Line hmanga vehchhuah vek a nih theih nan hmalak an remti a, Chawnpui, Durtlang North leh MINECO area-a Eng kal dan fel lo awm fo thin tihreh nan Chawnpui Sub-Station thuam tha tura a tul anga bawhzui nghal a ni dawn a ni.

Hei bakah hian ruahsur laia Isolator chhia siamthat mai theih loh avanga rei tak current awm lo thin pumpelh nan Circuit Breaker te siam that vek a, Isolator pawh a tul anga In chhunga daha Control Room atanga hnathawh dawna Shutdown lak pawha him taka tih theih tura ruahman a ni a. 11kV Line-in a chawm thui lutuk te tihtawi nan Aizawl hmun remchang laiah 11kV Sub-Station siam belh a, 11kV Line te thentet tura ruahman a ni, heng bakah hian ABC Line Earthing tha lo a tam avanga Line chhia awm thinte tihreh nan Earthing siamthat remtih a ni bawk.