Aizawl-ah Bank te hmalak dan thlirhona neih a ni

Zonuna Kawlni (LENKAWL) • July 2, 2026 • Comments • Mizoram

Kum 2025-2026 sawrkar kumtawp, March 2026 tawp thlenga Aizawl District chhunga Bank te hmalakna thlirin nimin khan Aizawl DC Pisapui Hall-ah District Consultative Committee(DCC)/District Level Review Committee (DLRC)/ District Level Security Committee (DLSC) thutkhawm neih a ni a. He huna tarlan a nih danin Aizawl District chhungah hian Bank 24 awmin CD Ratio chu 43.50% a ni a, Quarter ended March,2026 chhunga CD Ratio tam ber chu Indian Bank niin 464.97% a ni a, a tlem ber chu YES Bank niin 5.27% chauh a ni thung. Bank te zingah CD ratio 20% hnuailam Bank 4 awmin 20% leh 30% inkar nei Bank 2 awmin 40% aia tam CD Ratio neih Bank 18 an awm bawk.