A thlawna inentirna buatsaih

Zonuna Kawlni (LENKAWL) • July 24, 2026 • Comments • Mizoram

Khawzawl District AIDS Prevention & Control Committee (DAPCC), Chief Medical Office, Superintendent of Police Office, District Transport Office leh Zoram Drivers Union tangkawp huaihawtin nimin khan Khawzawl Zaingen YMA Hall-ah sawrkar lirthei khalhtute leh sumdawnna lirthei khalhtute tan ‘Free Health Camp’ buatsaih a ni a, Khawzawl District Hospital atangin thawktu ten Blood Group, Diabetes, Blood Pressure, Hepatitis, Syphillis leh HIV te a thlawnin an test sak a ni. He hunah hian sawrkar lirthei khalhtu mi 29 leh sumdawnna lirthei khalhtu mi 26 bakah mipui nawkpui zinga mi 36 ten an dinhmun an test tir a, Khawzawl Bawrhsap leh DAPCC Chairman K. Vanlalthiana chuan a hmunah kalin thawktute a kawm a, Health Camp tha tak buatsaih a nih avangin lawmthu a hrilh bawk.