ZPM in Rajya Sabha MP thlantlin ah lawmthu an sawi
Vawiin-a thuchhuah an siamah ZPM Party chuan Vawiin-a Mizoram aiawh Rajya Sabha Member of Parliament thlanna tluang taka neih a ni chu lawmawm an tih thu tarlangin, "Mizoram Legislative Assembly Member 40 awmnaah Member 36-in vote an thlâk a, vote thlak lo pali (4) awmin, ZPM party Rajya Sabha MP candidate Pu K. Laltluangkima'n vote 26 hmuin hneh taka thlantlin a ni," an ti a. "Rajya Sabha inthlana ZPM party MLA vote thlak thei ten ZPM 'Official candidate' an vote vek thei hi party inlungrualna leh thawhhona thatzia lantirtu a ni a. Hetihlai hian damlohna avanga Election Commission-a 'home voting' dil sak Pu W. Chhuanawma erawh phalsak a ni ta lo thung," an ti bawk.
ZPM Party chuan kum 2026 aṭanga kum 2032 thlenga Mizoram aiawha Rajya Sabha Member of Parliament ni tur Pu K. Laltluangkima chu ram leh hnam tana theihtawp chhuah turin duhsakna an hlan thu an tarlang bawk.
(Rajya Sabha MP thlanna a Vote tla te hi chhiar zawh ni tawhin Election Commission of India pawmpuina an nghak mek nia thudawn a ni)