Zirlai tithate chawimawi

Zonuna Kawlni (LENKAWL) • June 6, 2026 • Comments • Mizoram

Mizo Zirlai Pawl (MZP) Hqrs. Kolasib chuan kumin-a HSLC leh HSSLC Exam-a zirlai titha te chawimawina hun nimin khan Kolasib-a Parish Hall-ah an buatsaih a, he hun hi Bialtu MLA leh Assembly Deputy Speaker Lalfamkima chuan khuallian niin a hmanpui a. Zirlai kalkhawmte chu tum mumal tak nei tura chahin, thian kawm tur thliar thiam a pawimawh thu a sawi a. Sawrkarin hna lak kawngah thiamna tak tak neite chu tling ngei tura a duh thu leh dan ang thlapa Advertisement hmanga hna lak a nih thin thu a sawi bawk. He hunah hian HSLC exam-a Distinction-a pass mi 21 te leh HSSLC-a zirlai tithate hnenah lawm-puina thuziak hlan an ni.