Trauma Care Facility hawng

District Hospital Lawngtlai-a 'Trauma Care Facility' chu nimin khan Lawngtlai East Bialtu MLA leh Adviser to Chief Minister (H&FW) Dr. Lorrain Lalpekhlua Chinzah chuan a hawng a, Trauma Care Facility hawn a nih theihna tura Chief Minister leh Health Minister ten theihtawp an chhuah thu tarlangin, an chungah lawmthu a sawi a, District Hospital mamawh tam tak zingah MLA Fund atanga Nurse pakhat leh Group D pakhat chhawr a nih tur thu a sawi bawk. He hun hi Medical Superintendent Dr. Paul Lalchungnung chuan kaihruaiin Lawngtlai Bawrhsap Donny Lalruatsanga pawhin a hmanpui bawk.