Serchhip District atangin Kayakalp Award dawng

Zonuna Kawlni (LENKAWL) • June 25, 2026 • Comments • Serchhip

Ramchhunga sawrkar damdawi In hrang hrang te faina a inelna, Kayakalp kalpui mekah nimin khan kum 2025-2026 a State Level-a faina kawnga hma la tha thlanchhuah te hnenah lawmman hlan a ni a. District tina Health & Wellness Centre (HWC) Award sem-ah Serchhip District atangin Hmuntha HWC-SC chu pakhatna niin Zote South HWC-SC chu pahnihna an ni a. Primary Heath Centre (PHC) fai thlanna ah Serchhip District atangin East Lungdai PHC chuan lawmman pakhatna dawngin Ngentiang PHC leh Chhing-chhip PHC ten an dawt bawk.

Mizoram pum huap-a Community Health Centre (CHC) leh Sub-District Hospital te inelna ah Eco-Friendly Award lawmman pathumna chu Thenzawl CHC chuan an dawng bawk a. Lawmman semna hi Health Minister Lalrinpuii chuan a hmanpui a ni.