STA in ruahmanna ti danglam

State Transport Authority (STA) chuan nimin khan thuchhuah siamin ‘Mizotaxi’ chungchanga May 29, 2026-a thuchhuah a lo siam tawh chu ti danglamin, Motor register turte tana Registration Fee chu thuneitute remtihna in motor pakhat ah Rs.500/- ah siamrem a nih thu leh he Registration Fee hi a motor service hun chhung atan niin a bak pek leh a ngai tawh lo ang tih an tarlang a. Aizawl khawpui chhunga service lai - Two Wheeler Taxi, Four Wheeler Taxi leh Auto Rickshaw te chu June 2026 chhungin Mizotaxi Office, DTO (L.A) Office hnuai, Transport Complex, Chaltlang-ah registration tifel vek turin an hriattir a, In register tur tan motor document felfai, Driving Licence leh Voters' ID ken tur a nih thu an tarlang a. “Huntiam chhunga mipui mamawh tur khawp lirthei in register a awm lo anih chuan a tul angin Mizotaxi hnuaia tlan tur permit pek belh a ni ang,” an ti bawk.