Sericulture Minister-in Bul tiak 20,000 a vailiam

Zonuna Kawlni /

Sericulture Minister Lalthansanga chuan nimin khan Mualpheng leh Keifang-a Progress Partners mi 41 te phun tur Bul tiak 20,000 chu Aizawl a Directorate of Sericulture Office atangin a vailiam.

Heng Bul tiak te hi Central Silk Board, Boko (Guwahati) Nursery atanga lak niin ram acre (Tin) 61 hmun vel a zauva phun tur a ni a, Hand Holding Scheme hnuaiah Sericulture Department leh Mizoram Khadi and Village Industries Board tangkawp (Joint Venture) Project hnuaiah Saitual District-a Mualpheng leh Keifang-ah te kalpui mek a ni.

Heng Bul tiak vailiamna puala hun hman ah Sericulture Minister Lalthansanga chuan Mizoram chu Muga Pangang khawi lamah hmun tha a ni tih sawiin, Progress partner ten tha taka Bul kungte chu enkawl puitling turin duhsakna a hlan a. Bialtu MLA Prof. Lalnilawma'n a enkawl puitlin kawnga an mamawh em em Community Water Tank a dah sak dawn avang pawhin lawmthu a sawi a. May ni 3, 2026-a Mizoram rawn tlawhtu Union Textile Minister Giriraj Singh pawhin District 4- Lunglei, Champhai, Saitual leh Siaha-ah te nasa lehzuala Muga Silk Pangang khawi nan Mizoram tan Fund pek a tiam tawh tih a sawi bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Hmeithai thla la tur Scooter atanga tlain a boral

Zonuna Kawlni /
Image
New Serchhip Kikawn, Agriculture Complex panna kawng-a mahni a khawsa Pi Lalnuntluangi @ Pi Tluangi (70) W/o Raldokunga (L) chu Vawiin (May 18, 2026) khan Scooter atanga tlain a boral a, a ruang hi Aizawl Tlangnuam-a a fanu ten an la dawn a ni. Thudawn danin Pi Tluangi hi hmeithai, mahni a khawsa niin ‘ni 100 inhlawhna’ (MGNREGS) hnuaia inhlawhna ah Vawiin tlai khan thla la tura kalin an Veng-a pa pakhat in Scooter-ah a phur a, Govt. Serchhip College bulah Scooter atang hian tlain a boral zui ta a ni. Scooter atanga a tlak hun hi dar 2:00 vel niin dar 4:00 velah a boral a ni.
Kimchang zawkin »

June 18-ah Mizoram Rajya Sabha MP thlanna neih a ni dawn

Zonuna Kawlni /
Image
Mizoram in Rajya Sabha-a Seat pakhat a neih luah tur thlanna chu June 18, 2026 khian neih a ni dawn a, hemi ni hian State 10-a Rajya Sabha MP tur mi 24 thlanna neih a ni dawn a ni. Mizoram hian Rajya Sabha-ah Seat pakhat nei mekin tuna Rajya Sabha MP nilai K. Vanlalvena hun hi July 19, 2026-ah a tawp dawn a. He inthlanna chuh tumte tan hian June 8, 2026 thlengin hming pekluh theih a ni ang.
Kimchang zawkin »