Serchhip-a YMA Branch ten YMA Day an lawm
Mizoram-a tlawmngai pawl lian ber YMA Day hi Serchhip Darnam Branch chuan intihhlimna hun atana hmangin Serchhip Dinthar Branch te chuan hnatlang-a hun an hman bakah zirlai tithate chawimawina hun atan an hmang a. Serchhip Field Veng, Serchhip Hmar Veng, Serchhip Vengchung, Serchhip Chanmari leh Saron Branch te chuan YMA Day pual hian hnatlang neiin hun an hmang bawk a ni.
Serchhip Kawnpui South Branch chuan YMA Day hi Zotawna Park-ah hmangin nileng in intihhlimna neiin hun an hmang a, Serchhip Chhim Veng Branch ten zingkar-ah hnatlang neiin chhun lamah Modern Middle School-ah hun hmangin zirlai titha chawimawina hun hman a ni a. Serchhip Kawnpui North Branch ten Serchhip Indoor Stadkum kawt-ah nileng-in intihhlimna neiin hun an hmang bawk a, Serchhip P&E Veng Branch ten Dawngzawl-a Serchhip District Park-ah nileng in hun an hmang bawk a ni.
New Serchhip North Branch te chuan YMA Day pual hian zingkar ah hnatlang neiin chhun lamah YMA Hall-ah YMA Day lawmna Inkhawm an nei nghal a, New Serchhip Bazar Branch ten YMA Day pual hian nileng-in Thlanmual In sak that hnatlang neiin hun an hmang thung a, New Serchhip Venglai Branch-in YMA Kumpuan, Ruihhlo Do puala fehchhuah neiin nileng-in hnatlang an nei a, Chhekhnai Branch ten YMA Day pual hian Serchhip Blood Bank-a thisen an pek tawh bakah nimin chhun khan Vengchung thenfai hnatlang an nei a, nizan lam khan Chhekhnai Branch YMA Hall-ah YMA Day lawmna neiin item hrang hrang nen hun an hmang bawk a ni.
Chhiahtlang-a YMA Branch panga te leh Bukpui Branch te pawhin nileng-in YMA Day lawmna hun hi an hmang bawk a ni.