Serchhip khawpui chhung Blacktop hna tan a ni

Serchhip paltlangtu kawngpui Blacktop hna chu nimin khan thawh tan a ni ta.
    PWD Serchhip Division ten an enkawl Serchhip paltlangtu, tunhma lama NH-54 tih thin hi PWD ten an enkawl hnuah a tum khatna atan cheithat hna thawh mek a ni a, niminpiah khan kawngpui Blacktop hna hi tan tum ni mah se khua in a zir tak loh avangin hna tan theih a ni lo a, nimin khan a bul tanna atan Serchhip Darnam Tlang atangin kawng siam hna hi an tan a, khaw awmdan in a zir chuan hna hi chhunzawm zel tur a ni ang. Serchhip khawpui lunlai hi National Highway in a paltlang tawh loh avangin kawngpui pawh hi PWD ten an enkawl tawh a, tun tumah hian cheng vbc. 10 sengin kawng siam tur a ni a, Side Drain siam hna thui tak an lo thawk tawh a ni.