Serchhip District AIDS Prevention and Control Committee thutkhawm Bawrhsap hovin neih a ni

Zonuna Kawlni /

Serchhip District AIDS Prevention and Control Committee chu nimin khan thukhawmin 'Mobilization for AIDS Suraksha' atana Serchhip District Action Plan siam chungchang sawiho a ni.
 He thutkhawm Sechhip DC Meeting Hall-a neih ah hian DISHA Lunglei atangin R. Lalhruaitluanga leh Dr. Alfred C. Lalhmingmuana ten District Action Plan Presentation pein, '95-95-99' target-a Serchhip District dinhmunte an tarlang a. 95-95-99 hi HIV/AIDS dona kawnga bituk pawimawh tak niin hemi awmzia chu HIV hrik pai zinga 95% ten inentirna hmanga an inhriatchhuah a, chung zinga 95% ten damdawi (ART) an ei a, damdawi ei zinga 99% ten an taksaa HIV hrik te an thunun (suppress) na tur a ni a. Serchhip District dinhmun pawh he hunah hian tarlan niin, Target 1st 95-ah 68.8% awmin, 2nd 95-ah 95% hnuailam niin, 3rd 99-ah hi 95.9% te a ni a. Nimin-a thutkhawm ah hian heng target-te hi tha zawka hlen a nih theih nan sawrkar leh khawtlang hruaitute thawhho a pawimawh zia sawilan a ni a, District Action Plan bawhzuina kawnga an mawhphurhnate thlirho a ni bawk.

He hunah hian P&OCS CSS-a Programme Officer, Lalruatfeli chuan District Community Resource Group (D-CRG) pawimawhzia sawiin, TE DISHA YRG Peter Lalrinngheta’n 'Breakfree Website' chungchang a hrilhfiah a. He website-ah hian HIV/AIDS chungchanga mahni inbihchianna (self-assessment) te, Testing tih dan leh tih theihna hmun te, leh ART Centre awmna hmun hrang hrang te a en vek theih a ni. He website-ah hian Artificial Intelligence (A.I.) dah nghal niin, Mizo tawng ngeiin HIV/AIDS chungchanga zawhna neih zawng zawngte a zawh theih nghal vek bawk a. He website hi mipui zawng zawngin an hman tangkai theih nan a tam thei ang ber thehdarh (publicise) nise tiin an rel bawk a ni.

Serchhip District AIDS Prevention and Control Committee thukhawm hian Serchhip District-a kum tina kalpui thin 'Red Ribbon Quiz Competition' chu kumin hian hlawhtling taka neih leh turin an rel bawk a. District Level Quiz Competition hi July 30, 2026 hmaa neih tura tih a ni a. School Level Quiz chu June 18, 2026 hian Serchhip District chhunga Class 8, 9 leh 11 zirlai zawng zawng tan neih a ni anga, School hrang hrang zinga ti tha 'Top 10' te thlangchhuakin, District Level Competition chu July 28, 2026 hian DC Pisapui Hall-ah neih tura rel a ni bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Hmeithai thla la tur Scooter atanga tlain a boral

Zonuna Kawlni /
Image
New Serchhip Kikawn, Agriculture Complex panna kawng-a mahni a khawsa Pi Lalnuntluangi @ Pi Tluangi (70) W/o Raldokunga (L) chu Vawiin (May 18, 2026) khan Scooter atanga tlain a boral a, a ruang hi Aizawl Tlangnuam-a a fanu ten an la dawn a ni. Thudawn danin Pi Tluangi hi hmeithai, mahni a khawsa niin ‘ni 100 inhlawhna’ (MGNREGS) hnuaia inhlawhna ah Vawiin tlai khan thla la tura kalin an Veng-a pa pakhat in Scooter-ah a phur a, Govt. Serchhip College bulah Scooter atang hian tlain a boral zui ta a ni. Scooter atanga a tlak hun hi dar 2:00 vel niin dar 4:00 velah a boral a ni.
Kimchang zawkin »

June 18-ah Mizoram Rajya Sabha MP thlanna neih a ni dawn

Zonuna Kawlni /
Image
Mizoram in Rajya Sabha-a Seat pakhat a neih luah tur thlanna chu June 18, 2026 khian neih a ni dawn a, hemi ni hian State 10-a Rajya Sabha MP tur mi 24 thlanna neih a ni dawn a ni. Mizoram hian Rajya Sabha-ah Seat pakhat nei mekin tuna Rajya Sabha MP nilai K. Vanlalvena hun hi July 19, 2026-ah a tawp dawn a. He inthlanna chuh tumte tan hian June 8, 2026 thlengin hming pekluh theih a ni ang.
Kimchang zawkin »