Serchhip District-ah Enumeration Form sem zo ta

Zonuna Kawlni /

Election Commission of India ruahmanna anga Special Intensive Revision 2026 neih mekah Serchhip District-ah Enumeration Form sem zawh a ni tawh.
 Serchhip District chhunga Booth Level Officer te chuan SIR 2026 atan hian May 30, 2026 atang khan an huamchhunga In tinah lutin Enumeration Form semchhuah hna hi an thawk a, nimin khan Serchhip District chhung Assembly Constituency pathum-a BLO 88 te chuan an huam-chhung ah theuh Enumeration Form hi an semchhuak zo a. Nimin vek khan BLO, Additional BLO leh Supervisor te tan 'Training on Digitization of Enumeration Form’ neih chhunzawm nghal a ni.

Training on Digitization of Enumeration Form hi nimin khan Chhingchhip, Hualtu, Hmuntha, Khawbel, Thentlang Polling Station hnuaia mite tan Hrangliana Run, Chhingchhip-ah neih niin Darlawng, Tlungvel, Phulmawi, Khumtung, Bak-tawng, Chhuanthar Tlangnuam, Buhkangkawn leh Hmawngkawn tan Khumtung-a BNRGSK Hall-ah neiin Vawiin hian Serchhip District chhunga Polling Station dang zawngte tan Serchhip, Thenzawl, E. Lungdar leh N. Vanlaiphai-ah te Training hi neih leh a ni dawn a. Digitization kalpui dan tur inkaihhruaina leh software hman dan tur hrang hrangte inzirtirna neih a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Hmeithai thla la tur Scooter atanga tlain a boral

Zonuna Kawlni /
Image
New Serchhip Kikawn, Agriculture Complex panna kawng-a mahni a khawsa Pi Lalnuntluangi @ Pi Tluangi (70) W/o Raldokunga (L) chu Vawiin (May 18, 2026) khan Scooter atanga tlain a boral a, a ruang hi Aizawl Tlangnuam-a a fanu ten an la dawn a ni. Thudawn danin Pi Tluangi hi hmeithai, mahni a khawsa niin ‘ni 100 inhlawhna’ (MGNREGS) hnuaia inhlawhna ah Vawiin tlai khan thla la tura kalin an Veng-a pa pakhat in Scooter-ah a phur a, Govt. Serchhip College bulah Scooter atang hian tlain a boral zui ta a ni. Scooter atanga a tlak hun hi dar 2:00 vel niin dar 4:00 velah a boral a ni.
Kimchang zawkin »

June 18-ah Mizoram Rajya Sabha MP thlanna neih a ni dawn

Zonuna Kawlni /
Image
Mizoram in Rajya Sabha-a Seat pakhat a neih luah tur thlanna chu June 18, 2026 khian neih a ni dawn a, hemi ni hian State 10-a Rajya Sabha MP tur mi 24 thlanna neih a ni dawn a ni. Mizoram hian Rajya Sabha-ah Seat pakhat nei mekin tuna Rajya Sabha MP nilai K. Vanlalvena hun hi July 19, 2026-ah a tawp dawn a. He inthlanna chuh tumte tan hian June 8, 2026 thlengin hming pekluh theih a ni ang.
Kimchang zawkin »