SIR 2026-ah Election Official te thawhpui turin sawm

Zonuna Kawlni /

Election Commission of India (ECI)-a Deputy Director (Media), Apurva Kumar Singh IIS chuan Special Intensive Revision (SIR) 2026 kalpui mekah thuthar thehdarhtute chu theihtawp chhuaha Election Official te thawhpui turin a sawm.

Mizoram-a Special Intensive Revision (SIR) 2026 kalpui mek chungchanga rawn zin ECI-a Deputy Director (Media), Apurva Kumar Singh IIS hian nimin khan Aizawl Press Club-ah thuthar thehdarhtute kawmin Special Intensive Revision (SIR) 2026 chungchang leh a kalphung te a sawifiah a. Special Intensive Revision (SIR) 2026 chu hi India ram pum huap Electoral Roll ennawnna leh siamthatna hna pawimawh tak a nih thu sawiin, Electoral Roll dik, felfai leh rintlak siam tumna beihpui a nih thu leh he hna hi ram pum huapin Phase hrang hrangin kalpui a ni tih sawiin, Mizoram chu Phase III-na ah telin, State dangte rualin hmalakna hi kalpui mek a nih thu a sawi a ni.

Mizoram-ah hian Enumeration Phase chu May 30, 2026 atang khan tan a nih thu ECI Deputy Director chuan sawiin, Booth Level Officer (BLO) te chuan In tinah kalin Enumeration Form sem, khawnkhawm leh enfiahna hna an thawk mek tih a sawi a. India khua leh tui, vote nei thei zawng zawng te chu Electoral Roll-ah an tel vek theih nan leh tumah hmaih palh an awm lohna tura tanlak mek a ni tih a sawi a. Election Commission chuan SIR 2026 kalpui turin ram pum huapin Field-Level Election Official tam tak a ruat thu pawh sawiin, Mizoram-ah pawh BLO te, Political party tin atanga ruat Booth Level Agent (BLA) te leh Election Official dangte chuan In tinah campaign leh mipuite tanpui hna an thawk mek tih a sawi a. “Hei hi India Constitution leh Electoral Roll siam dan tur Danpui hrang hrang zawm chungin kalpui a ni,” a ti bawk.

Mizoram-a SIR 2026 kalpui mek a nih dan a taka a rawn hmuh thu leh nimin chawhma lamah Reiek an tlawh thu ECI-a Deputy Director (Media), Apurva Kumar Singh chuan sawiin, Chief Electoral Officer leh a thawhpuite, District Election Officer te, Electoral Registration Officer te, BLO te, Media mi te leh thawktu dang zawng zawngte thawhrimna avangin lawmthu a sawi a. Mipuite pawh Enumeration Form an thehlut hun chhunga thehlut ngei tur leh Enumeration Form te uluk taka fill up turin a ngen bawk. Media aiawhte zawhna hrang hrang chhangin Apurva Kumar Singh chuan vote neih theih dan te, enrolment leh siamthat hna kalpui dan te, kumtling thar te E-Roll-a an inthun thar dan te leh SIR 2026-a political party te pawimawhzia chungchangte a sawi a. SIR 2026 felfai taka kalpui turin mipui mimirah puanzar tam a pawimawh thu sawiin, thuthar thehdarhtu te chu theihtawp chhuaha Election official te thawhpui turin a sawm a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Hmeithai thla la tur Scooter atanga tlain a boral

Zonuna Kawlni /
Image
New Serchhip Kikawn, Agriculture Complex panna kawng-a mahni a khawsa Pi Lalnuntluangi @ Pi Tluangi (70) W/o Raldokunga (L) chu Vawiin (May 18, 2026) khan Scooter atanga tlain a boral a, a ruang hi Aizawl Tlangnuam-a a fanu ten an la dawn a ni. Thudawn danin Pi Tluangi hi hmeithai, mahni a khawsa niin ‘ni 100 inhlawhna’ (MGNREGS) hnuaia inhlawhna ah Vawiin tlai khan thla la tura kalin an Veng-a pa pakhat in Scooter-ah a phur a, Govt. Serchhip College bulah Scooter atang hian tlain a boral zui ta a ni. Scooter atanga a tlak hun hi dar 2:00 vel niin dar 4:00 velah a boral a ni.
Kimchang zawkin »

June 18-ah Mizoram Rajya Sabha MP thlanna neih a ni dawn

Zonuna Kawlni /
Image
Mizoram in Rajya Sabha-a Seat pakhat a neih luah tur thlanna chu June 18, 2026 khian neih a ni dawn a, hemi ni hian State 10-a Rajya Sabha MP tur mi 24 thlanna neih a ni dawn a ni. Mizoram hian Rajya Sabha-ah Seat pakhat nei mekin tuna Rajya Sabha MP nilai K. Vanlalvena hun hi July 19, 2026-ah a tawp dawn a. He inthlanna chuh tumte tan hian June 8, 2026 thlengin hming pekluh theih a ni ang.
Kimchang zawkin »