Serchhip District-ah EF Digitization zofel dawn hnai

Mizoram-a Special Intensive Revision of Electoral Roll 2026 neih mek Serchhip District-ah zawhfel a ni dawn hnai ta a, Assembly Bial pathum zinga pahnih ah Enumeration Form Digitization chu zawhfel a ni tawh.
Serchhip District-ah hian kum 2005 Electoral Roll atanga chhutin Vote nei 55,389 awmin heng zingah hian nimin tlai thleng khan Enumeration Form lakkhawm 54,224 te chu digitized a ni tawh a, za zela 97.90 chu digitized ni tawhin Enumeration Form lak loh 1121 a awm a, tuna la digitized loh chu 41 chauh awm tawhin heng te hi 28-Hrangturzo (ST) AC a mi te vek an ni. Serchhip District chhunga Enumeration Form lakkhawm loh 1121 zinga 599 te chu mitthi tawh an ni a, midang 136 te chu an awmna chin chhuichhuah theih loh niin mi 198 te chu hmundang a pem tawh te niin a dang te hi Enumeration Form dawng duh lo te an ni bawk.

Serchhip District chhunga Assembly Bial pathum awm zingah 26-Serchhip (ST) AC leh 27-Tuikum (ST) AC-ah te chuan Enumeration Form lakkhawm zawng zawng te Digitized a ni tawh a, Serchhip Bial-ah hian Enumeration Form lakkhawm loh 507 awmin Enumeration Form semchhuah 21,186 atanga chhutin za zela 97.60 chu lakhawmin digitized a ni tawh a ni. 27-Tuikum (ST) AC-ah pawh Vote nei 17,227 te hnenah Enumeration Form semchhuakin an lakkhawm 17,025 chu digitized a ni tawh a, Enumeration Form lakkhawm loh 270 awmin Enumeration Form semchhuah atanga chhutin za zela 98.33 te chu digitized a ni tawh a ni.

28-Hrangturzo (ST) AC-ah Vote nei 16,906 atangin 16,521 te chu digitized a ni tawh a, an Bial-ah hian Enumeration Form lakkir loh 344 awmin Enumeration Form digitize ngai 41 a la awm a, Enumeration Form lakkhawm atanga chhutin za zela 97.72 te chu digitized ni tawhin heng te pawh hi reilote chhungin tihfel hman beisei a ni bawk.