Ruihhlo vangin mi 20 thi tawh

Kumin January atanga June ni 12, 2026 thleng khan Mizoram-ah ruihhlo vangin mi 20 an thi tawh a, thi zinga 17 hi mipa niin hmeichhia 3 an awm bawk. Excise & Narcotics Department a thawktute sawi danin kumin a Mizoram-a ruihhlo vanga thi zinga 5 hi Heroin vanga thi niin a dang 15 te pawh hi Heroin leh ruihhlo dang tihpawlh te an ni a. Kumin chhunga ruihhlo vanga thi te hi an vaiin thalai, kum 19 atanga 42 inkar vek an ni. Excise & Narcotics Department chhinchhiah danin kum 1984 atang khan ruihhlo vang hian Mizoram-ah mi 2017 an thi tawh a, heng zinga 1770 chu mipa an ni a, hmeichhia 247 an awm bawk.