RGSA hnuaiah Computer sem

Zonuna Kawlni (LENKAWL) • June 24, 2026 • Comments • Mizoram

Mara Autonomous District Council (MADC)-a Local Administration Department (LAD) chuan nimin khan an huamchhunga Village Council 71 hnenah Siaha-ah RGSA Scheme kaltlangin Computer Set an sem a, hemi puala MADC Golden Jubilee Hall-a hun hman ah MADC CEM M. Laikaw leh Bawrhsap VL. Hruaizela Khiangte bakah MADC-a LAD changtu EM K. Chhuabei ten thu an sawi a ni. Rashtriya Gram Swaraj Abhiyan (RGSA) hi Ministry of Panchayati Raj, Govt. of India hnuaia kalpui niin VC te thuamchak a, training pek a, hmasawnna ruhrel tha zawk siam chu a tum a ni.

Aizawl District Bawrhsap Er. Lalhriatpuia pawhin nimin vek khan Aizawl District-a Village Council pasarih te hnenah RGSA kaltlangin Computer Set a hlan bawk a, Aizawl District-ah hian Village Council 70 a awm a ni.