Rate mumal zawka thlai thar hralhchhuah rel
Serchhip Agriculture & Horticulture Cooperative Society hian nimin khan Serchhip Darnam Branch YMA Hall-ah Annual Assembly vawi 13-na an hmang a, he hunah hian an thurel zingah Serchhip Mat Phai Zau hrang hranga chawhmeh thlai an tharchhuah te an hralhchhuahna kawngah an thlai kharchhawngtu ten an duh duh-a rate an siam sak thin chu tha ti lovin Agriculture & Horticulture Cooperative Society Member te chuan rate rualkhai leh mumal zawka hralh thin nise an ti a. Hei bakah hian Serchhip Mat Phai Zau hrang hrangte Fur lai pawha nuam zawka an feh theihna tura PCC hmanga Feh kawng tha tak siamsaktu Serchhip Bialtu MLA leh Mizoram sawrkar chunga an lawmthu Resolution siamin an pass bawk a ni.
Serchhip Agriculture & Horticulture Cooperative Society-ah hian tun dinhmun ah Member mi 230 chuang awm mekin nimin-a Annual Assembly hi an Chairman, Lalramthara chuan a kaihruai a, Report hrang hrang ngaihthlak a ni bawk a. He hunah hian Society Member te an tel tha hle a ni.