Police thubuai ziahluh tam

Kumin (2026) January thla atanga Inrinni, June 20, 2026 thleng khan Mamit District-a Police Station 5 leh Out-Post pakhat-ah thubuai chi hrang hrang 72 ziahluh a ni tawh a, heng zinga thubuai 38 te chu chhui zo tawhin chargesheet thehluh a ni tawh a, thubuai pakhat chu Final Report siamin thubuai tihtawp a ni tawh bawk. Kumin chhunga Mamit District-a thubuai ziahluh ah hian ruk ruk kaihhnawih tam berin thubuai 45 ziahluh a ni tawh a, kumtling lo laka hursualna kaihhnawih thubuai (POCSO) 2 leh pawngsual thubuai pakhat ziahluh awmin ND&PS Act hnuaiah thubuai 3, Silai man thubuai pakhat leh thubuai dangte ziahluh a ni bawk. Mamit District-ah hian Police post 235 awmin tunah hian 137 chauh an awm a ni.