PMSMA-ah mi 80,305 en tawh

Thla tin ni 9-na apianga naupaite tana sawrkar Damdawi In-a inentir theihna tura sawrkar laipui in a duan, Pradhan Mantri Surakshit Matritva Abhiyan (PMSMA) Scheme kaltlangin Mizo-ram-ah naupai 80,305 dinhmun enfiah a ni tawh a, PMSMA hi June ni 9, 2016 khan kalpui tan niin kumin hi a kum 10-na a ni a, Mizoram-ah pawh kum 10 tlin lawmna hi damdawi In 80-ah neih niin hemi pual hian naupai 1,122-te chu Blood Pressure, Zunthlum leh HB, Blood Group, Hepatitis B leh C leh HIV chungchanga an dinhmun endiksak an nih bakah an mamawh ang thurawn leh damdawite pek an ni. PMSMA Scheme hnuaiah hian kum 2016 atanga chhiara kumin a kum 10-na thleng hian Mizoram-ah naupai mi 80,305 hriselna dinhmun endik a ni tawh a, heng zingah hian a bika enkawl ngai (High Risk Pregnancy) naupai 6,086 hmuhchhuah tawh niin a bik taka enkawlna pek thin an ni.