Pheikhawk sem chhunzawm

Aizawl West-II Bialtu MLA leh Minister Lalnghinglova Hmar chuan nimin khan a Bial chhunga Mizoram Institute of Comprehensive Education (MICE), Tuikual North-a Primary School Section-a zirlaite tan School Uniform Pheikhawk 139 a sem leh a, Sawrkar School te chu a belh tlak a, a rintlak a, a tha tawk tih mipuiin an hriat a duh thu a sawi a ni. Aizawl West-II Bialtu MLA hian tun thla ni 17 atang khan School Uniform Pheikhawk hi semin a Bial chhunga School pariat-ah zirlaite tan pheikhawk bun 683 a sem a, Pheikhawk hi thawh thum-a semin heti hian sem zawh a ni ta a ni.