National Level Tournament Medalist-te lawmpuina hun Sports Minister in hmanpui

Zonuna Kawlni /

Tunhnaia India ram pum huapa Arm Wrestling leh Muaythai inelnaa lawmman la te hnenah lawmpuina hun chu nimin khan neih niin Sports Minister Lalnghinglova Hmar chuan he hun hi a hmanpui a ni.

Hawla Indoor Stadium, Aizawl-a MSSC Conference Hall-a he hun hman ah hian Sports Minister Lalnghinglova Hmar chuan Mizoram tihmingthatute chu a lawmpui thu sawiin, Infiammite chu an hmazawn theuh ah a tha ber thleng thei tura an rilru leh an taksa buatsaih turin a fuih a. Mizoram sawrkarin infiammite hmasawnna turin ruahmanna a siam mek zel thu pawh sawiin, an thiamna leh theihna te hmanga Mizoram chawimawitute chu lawmthu a hrilh bawk. Sports Minister hian Contact Sports-te hmasawn nan Centre of Excellence of Boxing chu ITI-ah din tum a nih thu a sawi a. Ministry of DoNER atangin Administrative Approval and Financial Sanction (AFS) cheng vbc. 38.39 sanction a nih tawh thu sawiin, infiammite tan hmasawnna thlenna tur a nih ngei a beisei thu a sawi bawk.

He hunah hian Mizoram Arm Wrestling Association Finance Secretary Lalremsiama chuan report pein May 29 atanga June 2, 2026 chhung khan 4th PAFI National Arm Wrestling Championship 2026 chu Gandhinagar, Gujarat-a neihah Mizoram chuaan Medal 35 a la a, heng te hi Gold 14, Silver 13 leh Bronze 8 te a ni a. Muaythai Association of Mizoram Treasurer V. Lalmuankima pawhin June 1 atanga 4, 2026 chhung khan 7th Youth National Muaythai Championship 2026 chu Haldwani, Uttarakhand-a neihah Mizoram in Medal 20 a la a, heng te hi Gold 9, Silver 8 leh Bronze 3 te a ni bawk.

Nimin-a heng infiammi chawimawina dawngtute zingah hian Serchhip atangin Phobi Malsawmtluangi D/o Lalengmawii, New Serchhip Venglai chu telin ani hian National Youth Muaythai Championship vawi 7-na neih zawh takah khan Mizoram tan Gold Medal a la a ni.

Mizoram State Sports Council (MSSC) ten heng infiammi te chawimawina hun an buatsaih hi MSSC Secretary Henry C. Lalrawnkima chuan kaihruaiin infiammite leh an chhungte bakah Mizoram Arm Wrestling Association leh Muaythai Association of Mizoram hruaitute an tel bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Hmeithai thla la tur Scooter atanga tlain a boral

Zonuna Kawlni /
Image
New Serchhip Kikawn, Agriculture Complex panna kawng-a mahni a khawsa Pi Lalnuntluangi @ Pi Tluangi (70) W/o Raldokunga (L) chu Vawiin (May 18, 2026) khan Scooter atanga tlain a boral a, a ruang hi Aizawl Tlangnuam-a a fanu ten an la dawn a ni. Thudawn danin Pi Tluangi hi hmeithai, mahni a khawsa niin ‘ni 100 inhlawhna’ (MGNREGS) hnuaia inhlawhna ah Vawiin tlai khan thla la tura kalin an Veng-a pa pakhat in Scooter-ah a phur a, Govt. Serchhip College bulah Scooter atang hian tlain a boral zui ta a ni. Scooter atanga a tlak hun hi dar 2:00 vel niin dar 4:00 velah a boral a ni.
Kimchang zawkin »

June 18-ah Mizoram Rajya Sabha MP thlanna neih a ni dawn

Zonuna Kawlni /
Image
Mizoram in Rajya Sabha-a Seat pakhat a neih luah tur thlanna chu June 18, 2026 khian neih a ni dawn a, hemi ni hian State 10-a Rajya Sabha MP tur mi 24 thlanna neih a ni dawn a ni. Mizoram hian Rajya Sabha-ah Seat pakhat nei mekin tuna Rajya Sabha MP nilai K. Vanlalvena hun hi July 19, 2026-ah a tawp dawn a. He inthlanna chuh tumte tan hian June 8, 2026 thlengin hming pekluh theih a ni ang.
Kimchang zawkin »