MSU in FIR thehluh an sawipui

Mizo Students’ Union (MSU) General Hqrs. hruaitute chuan nimin khan Home Minister K. Sapdanga chu a Pisa-ah hmuin BSF hna laka Dan palzutna awm nia sawi chungchanga FIR an thehluh chungchang an thlen a. MSU hruaitute chuan BSF Sipai lak ah hian Mizoram-a cheng ni lo ten Mizoram mi leh sa anga insawi a BSF-ah Document diklo tak siam chawpa hna an zawm chungchang ah hian kumin March 6 khan Aizawl Police Station-ah FIR an thehluh thu leh Thla 3 dawn a liam tawh hnuah Sawrkar lam atanga hmalakna chin engmah hriat a nih loh bakah heng document lem hmanga Mizo quota a lut te hian an hna an la thawk chhunzawm zel leh man an la ni lo chu an hrethiam loh tih an sawi a. Tun aia chak zawka hma la tur leh mi diklo te man vat turin Home Minister hi an ngen a. Home Minister chuan an thu thlen chu pawimawh a tih thu lo sawiin, MSU te nen tangruala theihtawp an chhuah tur thu a lo hrilh a ni.