MSPMC ten Aizawl-a sawrkar hmalakna enfiah

Mizoram State Project Monitoring Committee (MSPMC) chuan nimin khan Aizawl-a Project pahnih thawh mek chu a hmunah tlawhin an enfiah a, harsatna an tawh te an enpui bakah hna quality tha tak neih dan turte leh a rang thei ang bera zawh theih dan turte sawiho a ni.

MSPMC hian Aizawl Venghnuai-a Community Recreation Centre sak mek chu tlawhin he hna hi October, 2025-ah thawh tan niin, October, 2027-a zawh tur a ni a. Hemi chhung hian hna hi thawh zawh ngei tum a ni. SASCI sum hmangin cheng vbc. 10 sengin he hna hi thawh a ni a, UD&PA Department hnuaiah Aizawl Smart City Ltd. ten M/S Sky Builders, Zemabawk North, Aizawl chu Contractor-ah hmangin an thawk a ni. MSPMC Team ten an endik lai hian hna zaa sawmnga paruk (56%) thawh zawh tawh a ni a. Contractor hnenah hian a hnathawh tawh bill cheng vbc. 3 (42%) pek tawh a ni a. Hna hi thawh mek a ni.

Hei bakah hian MSPMC hian MINECO-a Directorate of Economics & Statistics Building pawh tlawhin he hna hi kum 2014-a NECS in ‘Turnkey basis’ a an thawh tawh, ban leh beam te specification tling lo avanga chak lo thawmthat hna thawh mek a ni a. Tunah hian SASCI 2024-25 sum cheng vbc. 2.07 sengin thawm that hna ‘Retro-fitting’ thawh mek a ni a. He ‘Retro-fitting’ hna hi Mizoram PWD ten enkawlin Contractor chu CB Engineering, Venghlui, Aizawl a ni. He hna hi thla sawmpahnih (12 months) chhunga thawk zo turin agreement ziah a ni a. MSPMC Team ten an endik lai hian hna zaa sawm sarih panga (75%) thawh zawh tawh a ni a. Contractor hnena pawisa pek tawh chu cheng nuai za (Rs. 100.00 lakhs) vel a ni. He hna hi a hmunin a zir loh avangin a tira huntiam chhunga zawh hman a ni dawn lova, September 9, 2026 hma ngeia zawh tum a ni bawk.