MNF Block hruaitu thlang

Zonuna Kawlni /

Serchhip Bial chhunga MNF Party Block te chuan kar kalta chhung an an hruaitu tur an thlang a. Inrinni khan MNF Serchhip East Block chuan Serchhip-a Mizo Hnam Run-ah kum 2026-2028 chhunga hruaitu tur thlanna neiin President-ah C Lalrinfela (Serchhip P&E Veng); Vice President-ah B. Vanlalngura (Serchhip Vengchung); Treasurer-ah Lalthuamliana (New Serchhip IOC Veng) leh NCM-ah K. Tlangthanmawia (Ser-chhip Bazar Veng) te thlan an ni.

Serchhip West Block pawhin Ningani khan an hruaitu tur thlanna hi Thenzawl Bazar Veng-a Vantawng Group YMA Run-ah hruaitu thlanna hi neiin President-ah Liantluanga Renthlei; Vice President-ah K. Lallianchhunga; Treasurer-ah Roliana Hnamte leh NCM-ah Thankima te thlan an ni bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Hmeithai thla la tur Scooter atanga tlain a boral

Zonuna Kawlni /
Image
New Serchhip Kikawn, Agriculture Complex panna kawng-a mahni a khawsa Pi Lalnuntluangi @ Pi Tluangi (70) W/o Raldokunga (L) chu Vawiin (May 18, 2026) khan Scooter atanga tlain a boral a, a ruang hi Aizawl Tlangnuam-a a fanu ten an la dawn a ni. Thudawn danin Pi Tluangi hi hmeithai, mahni a khawsa niin ‘ni 100 inhlawhna’ (MGNREGS) hnuaia inhlawhna ah Vawiin tlai khan thla la tura kalin an Veng-a pa pakhat in Scooter-ah a phur a, Govt. Serchhip College bulah Scooter atang hian tlain a boral zui ta a ni. Scooter atanga a tlak hun hi dar 2:00 vel niin dar 4:00 velah a boral a ni.
Kimchang zawkin »

June 18-ah Mizoram Rajya Sabha MP thlanna neih a ni dawn

Zonuna Kawlni /
Image
Mizoram in Rajya Sabha-a Seat pakhat a neih luah tur thlanna chu June 18, 2026 khian neih a ni dawn a, hemi ni hian State 10-a Rajya Sabha MP tur mi 24 thlanna neih a ni dawn a ni. Mizoram hian Rajya Sabha-ah Seat pakhat nei mekin tuna Rajya Sabha MP nilai K. Vanlalvena hun hi July 19, 2026-ah a tawp dawn a. He inthlanna chuh tumte tan hian June 8, 2026 thlengin hming pekluh theih a ni ang.
Kimchang zawkin »