Mizo tlangval in ‘Kirti Chakra’ chawimawina a dawng

Zonuna Kawlni /

Mizo tlangval Captain Lalrinawma Sailo chuan nizan hmasa khan Rashtrapati Bhavan-ah President Droupadi Murmu-i hnen atangin ramchhunga sipai huaisen chawimawina sang ber dawttu, ‘Kirti Chakra’ Award a dawng.
 Kum kalta April 22-a Jammu & Kashmir-a Pahalgam khuaa Hel pawlin khualzinte leh a khaw mipuite nunrawng taka an beihna chhanletna, Operation Sindoor hnuaia Pahalgam beitu Hel pawl zinga mi pathumte chu Lalrinawma Sailo hian amaha vehin, a kaphlum a. Kirti Chakra hi India rama remna leh huaisenna sang tak lantirtute hnena pek thin chawimawina pawimawh tak pakhat niin, Captain Lalrinawma Sailo hi Mizo zinga he chawimawina dawng thei pahnihna a ni a, kum 1968 khan Subedar Chalhnuna Lushai chuan a lo dawng tawh bawk a ni.

Union Home Minister Amit Shah pawhin Parliament-ah 'India ram tana phuba latu ropui a ni' a ti a. Chief Minister Lalduhoma leh Home Minister K. Sapdanga te pawhin Captain Lalrinawma Sailo hi an chhuan takzet thu an sawi bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Hmeithai thla la tur Scooter atanga tlain a boral

Zonuna Kawlni /
Image
New Serchhip Kikawn, Agriculture Complex panna kawng-a mahni a khawsa Pi Lalnuntluangi @ Pi Tluangi (70) W/o Raldokunga (L) chu Vawiin (May 18, 2026) khan Scooter atanga tlain a boral a, a ruang hi Aizawl Tlangnuam-a a fanu ten an la dawn a ni. Thudawn danin Pi Tluangi hi hmeithai, mahni a khawsa niin ‘ni 100 inhlawhna’ (MGNREGS) hnuaia inhlawhna ah Vawiin tlai khan thla la tura kalin an Veng-a pa pakhat in Scooter-ah a phur a, Govt. Serchhip College bulah Scooter atang hian tlain a boral zui ta a ni. Scooter atanga a tlak hun hi dar 2:00 vel niin dar 4:00 velah a boral a ni.
Kimchang zawkin »

June 18-ah Mizoram Rajya Sabha MP thlanna neih a ni dawn

Zonuna Kawlni /
Image
Mizoram in Rajya Sabha-a Seat pakhat a neih luah tur thlanna chu June 18, 2026 khian neih a ni dawn a, hemi ni hian State 10-a Rajya Sabha MP tur mi 24 thlanna neih a ni dawn a ni. Mizoram hian Rajya Sabha-ah Seat pakhat nei mekin tuna Rajya Sabha MP nilai K. Vanlalvena hun hi July 19, 2026-ah a tawp dawn a. He inthlanna chuh tumte tan hian June 8, 2026 thlengin hming pekluh theih a ni ang.
Kimchang zawkin »