MCAB in an hmalakna hrang hrang an thlirho

Mizoram Cooperative Apex Bank Ltd. (MCAB) Board of Directors Meeting chu nimin khan Aizawl-a MCAB Head Office-ah neih a ni. Mizoram Cooperative Apex Bank Ltd. Board of Directors hi MCAB Chairman Lalnunsanga chuan kaihruaiin Bank inrelbawlna hrang hrangte thlirho a nih bakah Apex Bank-in Policy thar a duan te chu pawm a ni a. Reserve Bank of India atanga Chief Executive Officer atana A. Lallungmuana ruat remtihna lehkha an dawn chu an pawm bawk. MCAB Board Meeting hian Loan dilna 108 pek a remti a. Heng loan dilna hrang hrangte hi mimal leh pawl atanga lut Agriculture loan te, Sumdawnna, Bana Kaih (Handholding) leh Biak In sakna loan-te niin Loan zat hi a vaiin cheng vbc. 25.56 a ni. Tun dinhmuna Apex Bank hian Branch 35 neiin Bank sum deposit cheng vbc. 1928 niin Loan pekchhuah zat chu cheng vbc. 1281 a ni a, CD Ratio chu 66.50% a ni bawk.