Lung leh Thazam enkawl thei

Zoram Medical College & Hospital (ZMC & H) Falkawn-ah Lung natna leh Thazam natna enkawlin an zai thei tawh dawn tih Health Minister Lalrinpuii chuan Social Media kaltlangin a sawi a, ZMC&H-ah hian Cardiothoracic & Vascular Surgery an tan thar tih sawiin, heng bakah hian ICCU (Intensive Cardiac Care Unit) chu ZMC&H-ah bultan anih thu a sawi a, Doctor thiam tak tak nen heng natna bik nei damlote an zai thei tawh dawn tih a sawi a ni. Health Minister chuan natna khirhkhan, Lung natna leh Thazam enkawlna kawngah mellung pawimawh tak phun a ni chu lawmawm a tih thu sawiin, damlo te'n phai lam pan buai ngai lova ZMC&H-ah inen-kawlna tha tak an dawng thei tur chu lawmawm a tih thu a sawi a, he Project hi CSR Fund hmanga tihhlawhtlin anih thu a sawi bawk.