Lirthei in Lei zawh thei lo

Serchhip District chhunga awm Vanchengte khua chuan Chhiahtlang atanga an khaw panna kawnga Tuikum Lei chu lirthei tana zawh theih a nih loh avangin harsatna an tawk tih an sawi.
Vanchengte atanga LENKAWL in thu a dawn danin Serchhip khaw chhaklam a awm Vanchengte hi Motor hmanga kal tur chuan Chhiahtlang atangin Lungpho Road-ah kal a ngai a, he kawng-a awm Tuikum lui-a Suspension Bridge chu a hruipui khaitu hrui pahnih inthlawp zinga pakhat a chah avangin lirthei tan zawh theih a ni lo a. he kawng hi an chak lakna kawng pawimawh ber a nih avangin harsatna tawk mai thei dinhmun ah an ding tih an sawi a, an khaw pawhtu kawng dang chu he kawng aia a let li zet-a thui a nih thu an sawi a ni.

Serchhip Bawrhsap Paul L. Khuma chuan he Lei enfiah tur hi tirh an nih tawh thu leh Vawiin hian Technical lama thiamna nei te kalin chumi ang chuan hmalak dan tur a hriat dawn thu a sawi a ni.