Khawzawl-ah Pluck and Pay Festival hman tum

Nimin khan Khawzawl-ah ‘Pluck and Pay Festival’ hman dan tur ngaihtuahin Bawrhsap K. Vanlalthiana kaihhruaiin DC Conference Hall-ah thutkhawm neih a ni a. He hunah hian Pluck and Pay Festival chu Tourism lama Khawzawl District tihhmasawnna atan hmalakna pawimawh tak a nih thu leh he Festival hi Khawzawl District chhunga thlai leh thei tharchhuahte tihlar nan leh kuthnathawkte tana awlsam zawka an thlai leh thei tharte an hralh theihna tura hmalakna tha tak a nih thu tarlan a ni bawk. Pluck and Pay Festival hi Tourism Department hmalakna hnuaia kalpui tur niin, Khawzawl District chhunga khualzin hipna leh agro-tourism tihlarna tura buatsaih tum a ni a, July kar tawpa buatsaih tura ruahman niin a ni tur leh a hmun tur chu la ngaihtuah leh tur a ni ang.